طريقة عمل المسقعة, أكلات بالصور أهلا بيكى معايا النهارده هاقدم ليكى أكله شعبية ( المسقعة ) , الاكلات بالصور خطوة خطوة
أولا : _ المقادير
1- باذنجان رومى
2- فلفل رومى وفلفل عروس
3- بطاطس
4- طماطم وصلصة
5- ثوم
6- توابل كمون وفلفل وملح
7- زيت
8- معلقتين خل
ثانيا : الطريقة
اول حاجة هنقطع البادنجان والفلفل الرومى ونرش علية ملح خفيف قبل القلى
عشان ياخد زيت قليل
ونخلى البادنجان نص ساعة وبعدين بندأ القلى بعد غسيل البادنجان من الملح
نجهز صينية القلى وتكون سخنه على النار
ونبدأ بالقلى البانجان والفلفل
خلصنا القلى نبدأ فى تجهيز الصلصة
نقلى الثوم ونضيف عصير الطماطم ومعلقة صلصه ونضيف على الثوم معلقتين خل والتوابل ونخلى الطماطم تتسبك جيدا
نرص البادنجان والفلفل فى صينية ونحط عليهم الطماطم المسبكة خلى الصينيه على البوتجاز من فوق لمده 5 دقائق
+
نشغل الفرن وتكون سخنه ونحط الصينه فى الفرن لمدة 10 دقائق او ربع ساعة
وبالهنا والشفا
ليست هناك تعليقات:
إرسال تعليق